Skilmálar þjónustunnar

Verðmat

Verð er metið út frá myndum og lýsingu sem þú sendir og staðfest áður en við komum. Reynist ástandið verulega frábrugðið því sem myndirnar sýndu látum við þig vita áður en vinna hefst og þú ræður hvort haldið er áfram.

Hvað við ábyrgjumst og hvað ekki

Við ábyrgjumst að meta efnið áður en það er meðhöndlað, að nota aðferð sem hæfir því og að segja fyrirfram hverju má búast við.

Við ábyrgjumst ekki að allir blettir fari. Blettir sem hafa litað trefjarnar varanlega, slit sem komið er á flos og skemmdir sem urðu fyrir okkar tíma verða ekki lagfærðar með hreinsun, og við segjum frá því við matið frekar en eftir á.

Afbókanir

Skilmálar um afbókun og breytingar á tímasetningu eru enn í vinnslu og verða birtir hér þegar þeir liggja fyrir. Þangað til gildir það sem um er samið hverju sinni.

Réttur neytenda til að falla frá samningi

Sé samningur gerður utan fastrar starfsstöðvar eða í fjarsölu getur þú átt rétt á að falla frá honum innan fjórtán daga samkvæmt lögum nr. 16/2016 um neytendasamninga. Óskir þú eftir að þjónustan hefjist áður en fresturinn er liðinn getur það haft áhrif á réttinn. Nákvæm útfærsla bíður yfirferðar lögmanns.

Ábendingar og kvartanir

Sértu ósátt eða ósáttur við verkið viljum við heyra af því sem fyrst, því flest verður leyst meðan aðstæður eru óbreyttar. Hafðu samband við okkur beint. Náist ekki samkomulag getur þú leitað til kærunefndar vöru- og þjónustukaupa.